Wilayah Koordinasi NTT

JOTHI NTT PUNG KESEHARIAN

Sejak November 2008 JOTHI NTT su mulai karja dengan mendaftarkan ke Kesbangpolinmas, kasi kenal JOTHI di kawan-kawan dong untuk jadi anggota, pilih ulang Koorprov, kasi kanal di KPAP NTT, KPA Kota Kupang, Dinas Sosial Provinsi NTT. Saat itu JOTHI sonde punya sekertariat sendiri. Katong numpang sa di sekertariat Flobamora Support. Walapun katong sonde punya secretariat tapi katong su barani omong kalo katong dari J OTHI. Kira-kira Bulan Juli 2009 KPAK Kupang ajak katong sosialisasi HIV dan kasi kenal JOTHI di 4 kecamatan di kota Kupang. Bukan hanya itu sa. Katong ju sosialisasi di gereja-gereja dan di kampus di kota Kupang.

Akhir November 2009, KPAK Kupang ajak JOTHI untuk bikin seminar tokoh agama dong di Kupang Beach Hotel. Oktober 2009 JOTHI wilayah koordinasi NTT su mulai kas tunjuk dia pung keberadaan. Katong kontrak rumah di Jln. Kejora IV No 103 Oebufu deng doi dari SEKNAS yang kasi katong. Waktu itu ju katong bikin MUSDA. Saat MUSDA dewan pengurus tarik diri karena tugas talalu banyak sehingga katong pilih dewan pengurus yang baru.

Banyak ju kagiatan yang su katong buat, mulai rapat internal katong sandiri tiap hari senin, rapat eksternal dengan KPAP. Sonde lama ini katong ada kerja sama dengan KPAK Kupang untuk Diskusi HIV dan bahaya narkoba di kelurahan Oepura dan Naikolan. Katong ju ada kerja sama KPAP NTT untuk tampung sementara kawan-kawan dong yang dari luar kota di katong pung secretariat yang mau lanjut dong pung pengobatan. Katong pung staf ada 5 orang. Ada Kak Aries (DP), Kak Maxy (Koorprov), Kak, Santy (Admin), Kak Selvy (staf program), Kak Marselina (relawan).

Katong ju su kerja untuk advokasi kebijakan pemerintah yang sonde berpihak pada katong orang terinfeksi HIV. Katong sonde mau duduk pangku kaki tangan sa dan berharap ada perubahan untuk katong. Katong sadar kalo bukan katong yang omong siapa lai yang bersuara untuk katong. Katong ju sadar su pasti katumu hambatan baik dari luar maupun dari dalam katong orang terinfeksi HIV sandiri, tapi katong anggap itu tantangan buat katong untuk kerja lebe keras lai. JOTHI mulai bakumpul , katong harus MERDEKA!!!

Maxymus Mitan P

Koordinator Provinsi