Wilayah Koordinasi Provinsi Maluku

Lawamena haulala ( Maju terus pantang mundur ) JOTHI Wilayah Koordinasi Maluku

Sebelum beta deng tamang-tamang di Ambon mengenal JOTHI,katong dolonya bergabung deng KDS Pela Gandong yang di betuk oleh salah satu LSM di Ambon, tapi karena katong merasa lebih baik katong pung organisasi sandiri supaya katong bisa balajar dan bangun mandiri. Banyak orang bilang kalo katong ini seng bisa biking apa –apa lai ,alias katong neh samua orang pambodo, lalu kantong samua memilih untuk bergabung di JOTHI, dan berniat untuk sama memperjuangkan hidup katong lewat JOTHI. Katong ingin bisa buat hidup lebih baik, bisa guna buat orang lain.

Dolo katong Cuma 8 orang saja su bagitu katong zn pung sekertariat , jadi katong tampat kumpul di katong punk koordintor punk rumah, tapi deng waktu berjalan katong bertambah sampe 20 orang anggota,dan katong dapat bantuan sadiki dari JOTHI pusat untuk sewa sekertariat akhirnya september 2009 katong pung sekertariat sandiri ada, biar akang kacil tapi akang sangat bermanfaat buat katong,untuk tempat kumpul dan rapat koordinasi.

Dalam JOTHI Maluku katong samua berkerja bersama-sama untuk mewujudkan masyarakat Maluku dalam berperilaku hidup sehat,dan bebas dari ancaman virus HIV.Dan dengan semangat SIWALIMA katong samua bertekad untuk kasih hilang system Diskriminasi yang selama ini katong terima dari masyarakat umum deng pemerintah akibat minimnya informasi dan pegetahuan tentang HIV ini. Sehingga katong samua bisa diperlakukan sama seperti yang lain,dan bisa mendapatkan layanan kesehatan yang sewajarnya maka dengan sendirinya katong pasti merasa nyaman dan aman su bagitu katong bisa di beri kesempatan dalam pengambilan kebijakan dan keputusan oleh pemerintah daerah Maluku.

Selain katong bekerja memperjuangkan katong pung hak ,dalam bidang advokasi Katong juga melakukan pendampingan untuk teman –teman yang baru terinfeksi HIV di RS. Rujukan Maupun di rumah, untuk memberikan informasi tentang dunia HIV/AIDS. su bagitu skarang Katong juga menjalin kerjasama dengan KPA propinsi dan Kota dan instansi pemerintahan yang terkait dikota Ambon.Dan Syukurlah selama ini katong telah mendapat dukungan baik dari pemerintah kota Ambon.Walaupun untuk pemerintah Provinsi masih kurang.Tapi katong yakin suatu saat dong bisa sadar dan mau melihat katong perjuangan.

Dari sini beta mo bilang buat tamang tamang samua.

“Ayo JOTHI MALUKU ,LAWAMENA HAULALA (Maju terus Pantang Mundur). Mari katong bersama-sama membela pung Hak –hak sebab masih banyak basudara katong yang lain yang masih membutuhkan katong , dan Kalau bukan katong sapa lae….!!!!!!.Amato.(sampai bertemu kembali dilain cerita perjalanan katong)